Ստամբուլում մարտի 19–ի վաղ առավոտյան քաղաքապետ Էքրեմ Իմամօղլուի հետ միասին ձերբակալված 87 կասկածյալների հարցաքննությունը սկսվել է մեկ օր անց։

Թուրքական Cumhuriyet–ի փոխանցմամբ՝ Ստամբուլի քաղաքապետ Էքրեմ Իմամօղլուն եւ նրա հետ գործով անցնող  106 կասկածյալներից 87 ձերբակալվածներին տեղափոխել են Ստամբուլի Վաթան փողոցի ոստիկանատուն։

Մարտի 20–ին սկսվել է ձերբակալված անձանց հարցաքնությունները։

Ստամբուլի քաղաքապետը մեղադրվում է կոռուպցիայի եւ հանցավոր գործունեության մեջ։

Հիշեցնենք, որ առաջիկա նախագահական ընտրություններում Էքրեմ Իմամօղլուն հանդիսանում է Էրդողանի հիմնական մրցակիցը եւ սոցհարցումներով ձայների քանակով առաջ է Էրդողանից։