նախընտրելի դարձնել
ԵՏՀ հարթակում արդյունավետ համագործակցության շնորհիվ ԵԱՏՄ անդամ երկրներին հաջողվել է բարձր արդյունքների հասնել մաքսային կարգավորման ոլորտում՝ ապրանքների շարժի մոնիտորինգի ժամանակակից գործիքների կիրառման առումով։ Ըստ Белта գործակալության՝ դրա մասին հայտարարել է Բելառուսի պետական մաքսային կոմիտեի նախագահի տեղակալ Անդրեյ Բոլշակովը։
«Ուժի մեջ է մտել միությունում նավիգացիոն կնիքների օգտագործման մասին համաձայնագիրը՝ բեռնափոխադրումներին հետևելու համար։ Այս համաձայնագրի շրջանակում Բելառուսն ու Ռուսաստանը փորձարկում են անցկացնում՝ ապահովելու համարում բելառուսական արտահանվող փայտանյութի արտահանումը, որն ապացուցել է իր արդյունավետությունը»,-նշել է նա։
Ըստ նրա՝ ԵԱՏՄ անդամ բոլոր երկրների մասնակցությամբ նավիգացիոն կնիքների լայնածավալ կիրառումը սկսելու հարցը մշակման վերջնական փուլում է։
«Ըստ ԵՏՀ Խորհրդի հանձնարարականների՝ Հայաստանը, Ղազախստանը և Ղրղզստանը պետք է ավարտին հասցնեն համաձայնագրով նախատեսված աշխատանքները մինչև 2025 թվականի մայիսի 31-ը»,-նշել է Բոլշակովը։
