Ճապոնիայի Համամացու քաղաքում (Շիզուոկա պրեֆեկտուրա) բեռնատարը վրաերթի է ենթարկել տարրական դպրոցի մի խումբ աշակերտների։ Այս մասին հայտնում է Ճապոնիայի հանրային հեռուստատեսությունը (NHK):

Միջադեպը տեղի է ունեցել տեղի կենդանաբանական այգու մոտ գտնվող ճանապարհներից մեկում։ Իրավապահների տվյալներով՝ տուժել է առնվազն չորս երեխա, որոնցից մեկը ծանր, անգիտակից վիճակում հոսպիտալացվել է։

Դեպքի վայրում աշխատում է ոստիկանությունը, որը պարզում է դեպքի հանգամանքները։