նախընտրելի դարձնել
2024 թվականի վերջի դրությամբ Ռուսաստանի և Հայաստանի միջև փոխադարձ առևտուրն աճել է 1,6 անգամ՝ հասնելով 11,7 միլիարդ դոլարի։ Ներդրումային ոլորտում Հայաստանում ռուսական կուտակված ներդրումների ծավալը կազմել է 4 միլիարդ դոլար։ Ռուսական խոշոր ձեռնարկությունները համարվում են Հայաստանի հիմնական հարկատուներից։
Այս տվյալները Հայաստանի էկոնոմիկայի նախարար Գևորգ Պապոյանի հետ հանդիպման ժամանակ հայտնել է ՌԴ տնտեսական զարգացման նախարար Մաքսիմ Ռեշետնիկովը։
Կողմերը քննարկել են զբոսաշրջության ոլորտում երկկողմ համագործակցությունը, ինչպես նաև Հայաստանի ռազմավարական զարգացման կենտրոնի գործունեության արդյունքներն ու հեռանկարները։
2024 թվականին Կենտրոնի գիտահետազոտական աշխատանքն օգնեց ՀՀ էկոնոմիկայի նախարարությանը նոր հնարավորություններ տեսնել՝ ռուսական ապրանքների մատակարարումը հանրապետություն ավելացնելու, Ռուսաստանի և Հայաստանի տնտեսություններին ձեռնտու ծառայությունների խոստումնալից տեսակները բացահայտելու և ապագայում ԵԱՏՄ երկրների հետ ծառայությունների փոխադարձ առևտրի խոչընդոտները վերացնելու համար։ Եվ միաժամանակ օգնել է որոշել թվային տեխնոլոգիաների հայաստանյան ձեռնարկությունների կարիքները՝ Հայկական տեխնոլոգիական պարկի շրջանակում ռուսական ՏՏ ընկերությունների հետ համագործակցություն հաստատելու համար։
«Այս տարի Հայաստանի ռազմավարական զարգացման կենտրոնը նախատեսում է ևս չորս նոր հետազոտական ծրագիր իրականացնել։ Այս ոլորտներից յուրաքանչյուրը նպատակ ունի շոշափելի ներդրում ունենալ Ռուսաստանի և ԵԱՏՄ այլ երկրների հետ երկրի տնտեսական բարեկեցության աճի և արդյունավետ համագործակցության մեջ, -նշել է Մաքսիմ Ռեշետնիկովը։ -Մի նախագիծը նվիրված է կառավարության աջակցության միջոցառումների բարելավմանը, մյուսը՝ Հայաստանում աշխատանքի արտադրողականության գնահատմանը, երրորդը՝ արդյունաբերական համագործակցության ծրագրերի իրականացման հեռանկարներին, չորրորդը՝ Հայաստանի «կանաչ» տնտեսության անցնելու հեռանկարների գնահատմանը։
