նախընտրելի դարձնել
Երուսաղեմում Իսրայելի Կնեսետի շենքի մոտ ցուցարարները սարքել են «Կատարի դեսպանատան մակետը», որտեղ մի քանի սպիտակազգեստ մարդիկ փողով հով են անում, իսկ հետին պլանին արաբական երաժշտություն է հնչում, գրում է The Times of Israel-ը:
Ցուցարարներից մեկը պարաններով կառավարում է Իսրայելի վարչապետ Բենիամին Նեթանյահուին պատկերով դիմակ դրած խամաճիկ տղամարդու ձեռքերը:
«Բարի գալուստ Երուսաղեմում Կատարի դեսպանատուն»,- բարձրախոսով հայտարարում են նրանք։
Ավելի վաղ իսրայելական լրատվամիջոցները հայտնել էին, որ 2023 թվականի հոկտեմբերի 7-ին Նեթանյահուն առնվազն երկու անգամ նախազգուշացվել է պաղեստինյան ՀԱՄԱՍ խմբավորման հարձակումից առաջ, և որ խմբավորման ռազմական առաջնորդ Մուհամմեդ Դեյֆը յուրացնում է Կատարի՝ վարչապետի թույլտվությամբ Գազային տրամադրված դրամական միջոցները։
Նեթանյահուի մի քանի բարձրաստիճան օգնականներ ներկայում հետաքննության են ենթարկվում Կատարի հետ ենթադրյալ ֆինանսական կապերի համար:
