ՆախընտրելիՍուրբ Ծննդյան տոնին, տուրիստների չափից դուրս մեծ հոսքի պատճառով, Կոլիզեումի պատի մի մասը փլվել է: Դա տեղի է ունեցել դեկտեմբերի 25-ին` կաթոլիկների Սուրբ Ծննդյան օրը: Տոնի կապակցությամբ, Վատիկանը տուրիստների համար մուտքն ամֆիթատրոն անվճար էր դարձրել: Հենց դա էլ պատճառ է դարձել, որ տուրիստների մեծ հոսք լինի դեպի ամֆիթատրոն, որի արդյունքում պատի մի հատվածը փլվել է:
Իտալական լրատվամիջոցները նշում են, որ միջադեպի արդյունքում ոչ ոք չի տուժել: Կոլիզեումի տնօրեն Ռոսելա Ռեայի խոսքով, հուշարձանի հենց այդ հատվածը պետք է վերանորոգվեր 2012-ի մարտին:
Այդ նպատակով միջոցները կհատկացնի կոշիկի Tod`s բրենդի սեփականատեր Դիեգո Դելլա Վալլեն: Նա կտրամադրի շուրջ 26 մլն եվրո, փոխարենը նա իրավունք կստանա օգտագործել Կոլիզեումի պատկերը, հաղորդում է Lenta.ru-ն:
