Չինաստանի ֆիզիկոսներին հաջողվել է ծովի ջրից ուրանի արդյունահանման եղանակ մշակել մոմի մեղրամոմով։ Այս տեխնոլոգիան կարող է քայլ լինել միջուկային վառելիքի գործնականում անսահման պաշարների օգտագործման ուղղությամբ:

Ինչպես նշում է onlinelibrary.wiley.com-ը, չինացի գիտնականների հետազոտությունները ցույց են տալիս, որ գոյություն ունի մեխանիզմ, որը կարող է մարդկությանը հազարավոր տարիներ ապահովել միջուկային էներգիայով:

Ուրանը ատոմակայանների գործարկման առանցքային տարր է։ Սակայն նրա պաշարները ցամաքում սահմանափակ են՝ դրանք կբավարարեն մոտ 100 տարի, գրում է Planet Today-ը։

Մինչդեռ օվկիանոսները մոտ 4,5 միլիարդ տոննա ուրան են պարունակում, որը մարդկությանը մի քանի հազարամյակների ընթացքում էներգիա կապահովի:

Տեսականորեն: Բայց կա նաև մի խնդիր՝ ուրանի ցածր կոնցենտրացիան ծովի ջրում, ինչը դրա արդյունահանումը բարդ և թանկ գործողություն է դարձնում։

Չինացի գիտնականներն առաջարկել են ծակոտկեն հիդրոգելային գնդիկներ օգտագործող տեխնոլոգիա, որոնք արդյունավետորեն կլանում են ուրանը ծովի ջրից: Նյութի հիմքը պոլիամիդոքսիմն էր (մետաղներ գրավելու ընդունակ նյութ) և հալված մոմի մեղրամոմը։

Երբ մեղրամոմը սառեցվել ու հեռացվել է, առաջացել են ալգինատ-պոլիակրիլաթթվի մեջ պարուրված ծակոտկեն մասնիկներ:

3 մմ տրամագծով գնդիկները տպավորիչ արդյունք են ցույց տվել՝ 10 լիտր սովորական ծովի ջրից արդյունահանվել է 4,79 մգ ուրան, որի համար պահանջվել է 1 գրամ գնդիկ և 15 օր աշխատանք։

Լաբորատոր պայմաններում այս ցուցանիշը հասցվել է 8,23 մգ-ի։

Ատոմային էլեկտրակայանները համարվում են հանածո վառելիքի ավելի մաքուր այլընտրանք:

Սակայն նրանց անվտանգության և ռադիոակտիվ թափոնների պահպանման վերաբերյալ հարցերը մնում են:

Գիտնականները հույս ունեն, որ ապագայում միջուկային էներգիան իր տեղը կզիջի ջերմամիջուկային էներգիային. այն զերծ է թափոններից և գործում է Արեգակի վրա տեղի ունեցող գործընթացների նման:

Սակայն մինչ օրս ջերմամիջուկային միաձուլման տեխնոլոգիաները լիովին չեն յուրացվել: