նախընտրելի դարձնել
Միացյալ Թագավորությունը ջերմորեն շնորհավորում է Հայաստանին և Ադրբեջանին խաղաղ համաձայնագրի շուրջ բանակցությունների ավարտի կապակցությամբ։ Դրա մասին ասված է ԵԱՀԿ-ում Մեծ Բրիտանիայի ներկայացուցիչ Դեյրդրե Բրաունի հայտարարության մեջ։
«Սա պատմական պահ է, և մենք երկու կողմերին կոչ ենք անում համաձայնագիրը հնարավորինս շուտ ստորագրել:
Այս խաղաղության համաձայնագրի ավարտը լավագույն միջոցն է Հարավային Կովկասում կայուն խաղաղության հասնելու և անվտանգությունն ու կայունությունը ապահովելու համար: Դա առևտրի և բարգավաճման ճանապարհ կբացի ոչ միայն Հայաստանի և Ադրբեջանի, այլ նաև նրանց հարևանների համար։
Երկու կողմերին կոչ ենք անում զերծ մնալ խաղաղության հեռանկարները խաթարող հռետորաբանությունից։ Հակամարտության վերադարձը ողբերգություն կլինի և տարիներով հետ կբերի տարածաշրջանում խաղաղության հասնելու առաջընթացը:
Միացյալ Թագավորությունը շարունակում է աջակցել բոլոր ջանքերին, որոնք ձեռնարկվում են մեր միջազգային գործընկերների հետ՝ Հարավային Կովկասում հուսալի և կայուն խաղաղություն ապահովելու համար»,- ասված է հայտարարության մեջ։
