նախընտրելի դարձնել
2025 թվականի ապրիլի 1-ից մեկնարկել է Պետական եկամուտների կոմիտեի գործունեության վերաբերյալ գոհունակության գնահատումը։
Ովքեր կարող են մասնակցել
Պետական եկամուտների կոմիտեի գործունեության վերաբերյալ գոհունակության գնահատմանը կարող են մասնակցել իրավաբանական անձինք՝ կազմակերպությունները, ԱՁ-ները և նոտարները, ինչպես նաև ֆիզիկական անձինք։
Ինչպես է իրականացվում
Գնահատումն իրականացվում է Պետական եկամուտների կոմիտեի www.src.am պաշտոնական կայքէջի և Հաշվետվությունների ներկայացման էլեկտրոնային (file-online) համակարգի միջոցով: Կայքէջ մուտք գործելիս բացված պատուհանում՝ «Ցանկանու՞մ եք մասնակցել գոհունակության հարցմանը», կարող եք ընտրել «Այո» պատասխանը և լրացնել հարցաթերթը՝ գնահատելու ՊԵԿ գործունեությունը։
Որքան է լրացման տևողությունը
Հարցմանը մասնակցությունը կտևի ընդամենը 3-ից 4 րոպե:
Ձեր կարծիքը շատ կարևոր է
Հետադարձ կապի ապահովումը Պետական եկամուտների կոմիտեին հնարավորություն կտա․
- բարելավելու մատուցվող ծառայությունների որակը և իրականացվող վարչարարությունը
- գնահատելու հարկային և մաքսային մարմնի էլեկտրոնային կառավարման համակարգի միջոցով ուղարկվող ծանուցումների օգտակարությունը
- գնահատելու ՊԵԿ աշխատակիցների պարտականությունների պատշաճ կատարումը կամ վարքագիծը
- բացահայտելու կոռուպցիոն դրսևորումները
- գնահատելու Կոմիտեում ընթացող բարեփոխումները
Մինչև երբ կարող եք մասնակցել
Կոմիտեի գործունեության վերաբերյալ գոհունակության գնահատումն իրականացվում է մինչև 2025 մայիսի 1-ը։
