նախընտրելի դարձնել
Ֆրանսիայում առաջին անգամ բացահայտվել է կոկաինի առաքման ցանց՝ թմրանյութերի փաթեթները բաց ծով նետելու միջոցով, որտեղից դրանք հավաքում են փոքր ձկնորսական նավերը, գրում է Le Figaro-ն։
Պարբերականը նշում է, Ֆրանսիայի Ռեն քաղաքի դատախազությունը հայտնել է, որ ուրբաթ՝ ապրիլի 4-ին, ծովով կոկաինի ներկրման ցանց է բացահայտվել։
Ըստ դատախազի՝ drop-off եղանակը ենթադրում է թմրանյութի փաթեթներ բաց ծովում նետում, որից հետո դրանք հավաքում են փոքր ձկնորսական նավերով։ Այդ սխեման, ըստ նրա, «բնորոշ է կազմակերպված հանցավորության ամենահմուտ խմբերին»:
Գործողության ընթացքում, որին մասնակցել է մոտ հարյուր ոստիկան, «նավի վրա 800 կիլոգրամ կոկաին է հայտնաբերվել», բեռնատար նավ, որը դուրս էր եկել Բրազիլիայից և մեկնում էր Ամստերդամ։ Նավը շեղվել է դեպի Դյունկերք նավահանգիստ, և ամբողջ անձնակազմը՝ ֆիլիպինյան ծագումով 22 նավաստիներից, կալանավորվել է։
Միաժամանակ ութ մարդ է ձերբակալվել՝ վեց տղամարդ, նրանց թվում՝ երեք ձկնորս, երկու կին՝ Տանկերվիլ, Հավր և Ուիսթրեմ քաղաքներում։
«Ոմանք դատապարտված են եղել ձկնորսության կանոնները խախտելու համար, մյուսները՝ դաժան կողոպուտի, բռնության կամ թմրամիջոցների ապօրինի շրջանառության համար»,-ասել է դատախազը՝ նշելով, որ այս գործողությանը հանգեցրած հետաքննությունը տևել է 18 ամիս։
Նշվում է, որ կասկածյալների հարցաքննությունները շարունակվում են դատական ոստիկանության հսկողության ներքո։
«Այս բացառիկ գործողությունն առաջինն է Ֆրանսիայում՝ բացահայտված սխեմայի բնույթով և աննախադեպ՝ երկրի ներքին անվտանգության բոլոր ստորաբաժանումների ներգրավման մասշտաբով։ Առաջին անգամ հնարավոր եղավ ապացուցել կոկաինի զանգվածային ներմուծման փաստը drop-off եղանակով. դրանից առաջ հանգեցրել է նրան, որ սոսկ զանգվածային կերպով թափել են «կորած» թմրամիջոցները։
Ֆրանսիան հայտարարել է 2024 թվականին առգրավված թմրամիջոցների ծավալի զգալի աճի մասին. հայտնաբերված կոկաինի ծավալը 130%-ով ավելի է, քան 2023 թվականին:
