նախընտրելի դարձնելՀՀ իշխանությունները թող զեկուցեն, թե ինչ են քննարկել թշնամու հետ 2023 թվականին։ Դրա մասին NEWS.am-ի թղթակցի հետ զրույցում հայտարարել է «Հայաստան» խմբակցության պատգամավոր Գառնիկ Դանիելյանը։
«Չգիտեի՞ն, որ Արցախի վրա ամբողջական հարձակում է լինելու, գիշեր-ցերեկ գիտեին հարձակման մասին, համագործակցում էին թշնամու հետ, իսկ հիմա վկայակոչում են ոչինչ չներկայացնող թղթի կտորը»,- նշել է նա։
Պատգամավորը Հայաստանի ԱԳՆ-ի հայտարարությունը խայտառակություն և դավաճանական դրսևորում է անվանել։ Նրա գնահատմամբ՝ իշխանությունները մոլորության մեջ են գցում հասարակությանը՝ փորձելով պատասխանատվությունը իրենց ուսերից գցել արցախցիների վրա։
Նա հիշեցրել է, որ Փաշինյանը Պրահայում ճանաչել է Արցախը որպես Ադրբեջանի մաս։
«Դրանից հետո Լաչինի միջանցքը փակվեց, Արցախում սով սկսվեց, Հայաստանը Արցախը թողեց միայնակ, այդ ֆոնին որոշակի շրջանակներ Արցախին կոչ արեցին ինտեգրվել Ադրբեջանին, իսկ Փաշինյանը զանգահարեց Էրդողանին: Իսկ Երևանում ընտրություններից հետո արդեն էթնիկ զտում տեղի ունեցավ։
Իշխանությունները ինձ հետ զրույցում ասել են, որ ոչինչ անել չեն կարող։
Ինչ վերաբերում է իրենից ոչինչ չներկայացնող թղթի կտորին, որին հղում են անում իշխանությունները, Փաշինյանը գիտեր դրա մասին: Նա այդ ժամանակ հայտարարեց. «Ինչ ուզում եք՝ արեք»։ Այդ թուղթն անվավեր է ճանաչվել, բայց իշխանությունները միևնույնն է, վկայակոչում են այն»,-ընդգծել է Դանիելյանը։
Նրա կարծիքով, եթե Հայաստանում արցախցիներ չմնան, և ցրվեն տարբեր երկրներ, նրանց Արցախ վերադառնալու հարցն էլ կարելի է փակված համարել։
Պատգամավորը միաժամանակ հիշեցրել է, որ Արցախում հայերին գլխատած ադրբեջանցիներից մեկը՝ Զեյնալի անունով, Հայաստանի կողմից հետախուզման մեջ է հայտնվել։ «Հետագայում Ռուսաստանում նրան կալանավորեցին, ապա ազատ արձակեցին: Վերադառնալով Բաքու՝ նա հայտարարեց, որ Ադրբեջանը ճնշում է գործադրել Հայաստանի վրա, որը հրաժարվել է իր պահանջներից»,- եզրափակել է պատգամավորը։
