ԱՄՆ-ում Ֆլորիդայի մի կին ձերբակալվել է իր հուշանվերների խանութից առցանց մարդու ոսկորներ վաճառելու մեղադրանքով։ Այս մասին հայտնում է Fox News հեռուստաալիքը։

Հետաքննությունը պարզել է, որ 52-ամյա Քիմբերլի Շոփերը գիտակցաբար գնել է մարդկային ոսկորներ, այնուհետև դրանք վերավաճառել առցանց հարթակում, որտեղ գրանցված է իր խանութը։

Ոստիկանությունն անօրինական բիզնեսի մասին իմացել է խանութի էջի սքրինշոթեր և տարբեր մարդկային մնացորդների վաճառքի գովազդ պարունակող հուշում ստանալուց հետո: Իրավապահները առցանց խանութի տեսականու մեջ հայտնաբերել են վզնոց, ուսի շեղբ, ողն ու կողոսկր։ Ի միջի այլոց, կար մարդկային թերի գանգ, որի գինը 600 դոլար էր։

Դատաբժշկական փորձաքննության արդյունքում պարզվել է, որ գանգի բեկորը, ամենայն հավանականությամբ, հնագիտական ​​գտածո է, որը, ըստ մասնագետների, ավելի քան 100 տարեկան է։

Գնորդին կալանավորել են, սակայն մեկ օր անց 7500 դոլար գրավի դիմաց ազատ են արձակել: Նրա դեմ մարդկային աճյուն վաճառելու մեղադրանքը չի հանվել, պարզաբանել է հեռուստաալիքը։