ՆախընտրելիՎատիկանի արխիվներում ավելի քան 250 տարի պահվող հնագույն ձեռագիրը լույս է սփռում Քրիստոսի ծննդյան հանգամանքների վրա:
Տեքստի վերծանմամբ զբաղվել է Օկլոհամայի համալսարանի աստվածաբանության պրոֆեսոր Բրենտ Լանդոն, եւ չի բացառում, որ տեքստի հեղինակը տեսել է նորածին Հիսուսին սեփական աչքերով:
Համաձայն հնագույն փաստաթղթի, նորածին Հիսուսին երկրպագելու մեկնած մոգերը ոչ թե երեքն էին, ինչպես նշվում է, այլ տասնյակներ: Մաթեւոսի Ավետարանում, ընդ որում, մոգերի թվի մասին ընդհանրապես չի խոսվում:
Բացի այդ, նշվում է, որ իմաստունները Մարիամի եւ Հովսեփի մոտ եկել էին ոչ թե Պարսկաստանից, այլ Շթար երկրից, որը թարգմանիչը նույնականցնում է հին Չինաստանի հետ:
Տեքստի հեղինակը գրում է նաեւ, որ Բեթղեհեմյան աստղը, որը իմաստուններին ուղղորդել է դեպի այն քարանձավը, որտեղ ծնվել էր Հիսուսը, վերածվել է «փոքրիկ լուսաշող մարդու»: Ամերիկացի գիտնական խոսքով` տեքստում նշվում է, որ «Բեթղեհեմյան աստղն ու Քրիստոսը նույնն են» եւ «Աստվածամարդը կարող է ցանկացած տեսք ընդունել», -հաղորդում է «Վեստին»:
