նախընտրելի դարձնել
Չորեքշաբթի Բեռլինի դատախազությունը մեղադրել է բժշկին, որը կասկածվում է իր խնամքի տակ գտնվող պացիենտներին տարբեր դեղամիջոցների մահացու չափաբաժիններ տալու մեջ՝ սպանության 15 հոդվածներով, հայտնել է Reuters-ը։
Դատախազները նաեւ պահանջել են մասնագիտական գործունեության ցմահ արգելք 40-ամյա կասկածյալի համար, որը կալանքի տակ է 2024թ. օգոստոսից եւ աշխատել է Գերմանիայի մի քանի շրջաններում։
Կասկածյալը, որի անունը պաշտոնապես չի նշվում գաղտնիության մասին օրենքների համաձայն, իրեն մեղավոր չի ճանաչել առաջադրված մեղադրանքներում, ասել են դատախազները:
Նրան ի սկզբանե կասկածում էին անցյալ տարի 4 մահվան դեպքերի հետ առնչություն ունենալու մեջ, որոնք նա փորձել է թաքցնել՝ հրկիզելով զոհերի բնակարանները:
Սակայն հետաքննությունը բացահայտել է ավելի շատ կասկածելի մահեր 2021-ից ի վեր, եւ այդ թիվը կարող է ավելի մեծանալ:
Հատուկ գործի համար ստեղծված քննչական խումբը ուսումնասիրում է նրա պացիենտների գրառումները, նախատեսվում են ավելի շատ արտաշիրիմումներ։
Դատախազները հայտնել են, որ բժիշկը մեղադրվում է անզգայացուցիչ, իսկ հետո մկանային հանգստացնող միջոց կիրառելու մեջ իր հսկողության տակ գտնվող պալիատիվ խնամքի պացիենտներին, որոնք ակտիվ չէին մահվան պահին, առանց նրանց իմացության կամ համաձայնության, ասել են դատախազները:
