Նիդեռլանդների պաշտպանության նախարարությունը հայտարարել է կիբեր անձնակազմի, այդ թվում՝ պահեստայինների հավաքագրման նոր արշավի մասին, հայտնում է NOS-ը։

Այս ակցիան նախատեսված է ամառվա վերջին, սակայն ցանցում արդեն կիբերպահեստայինների թափուր տեղեր կան։

Զինվորականները նույնպես պետք է ավելի շատ «կիբերհզորություն» ստանան, քանի որ, հետախուզական ծառայությունների տվյալներով,  Չինաստանից և Ռուսաստանից հաքերային հարձակումները սովորական են դարձել, հաղորդում է հոլանդական լրատվամիջոցը: Կիբերպահեստայինները դիտվում են որպես կարևոր հավելում արտաքին ուժերից Նիդեռլանդների անվտանգությունն ապահովելու գործում: Սրանք քաղաքացիներ են, որոնք իրենց աշխատանքից զատ, հաճախ թվային անվտանգության ոլորտում, զրոյական աշխատաժամանակով պայմանագրի համաձայն  օգտագործում են իրենց գիտելիքներն ու փորձը բանակում։

«Աշխատանքի մեծ մասն արվում է երեկոյան կամ հանգստյան օրերին: Դա բավականին դժվար է՝ հաշվի առնելով ընտանիքը և լրիվ դրույքով աշխատանքը, բայց իմ փորձով դա միանգամայն հնարավոր է», - գործակալությանն է ասել  փոխգնդապետ և պահեստային կիբերստորաբաժանման հրամանատար Մաթեյսը:

Նա դա անում է 2016 թվականից՝ ի լրումն կիբերանվտանգության ընկերության ռազմավարական խորհրդատուի իր աշխատանքի:

Դիրքը գաղտնիք չէ, սակայն զգուշություն է պահանջում։ Օրինակ, կիբերպահեստայիններին ասվում է, որ սոցիալական ցանցերում որոշակի թեմա հրապարակելը լավ գաղափար չէ, ասել է Մաթեյսը:

Սա կարող է գրավել «որոշակի երկրների» ուշադրությունը»,- ասել է նա։