Անցած շաբաթ մեղադրանքներ հնչեցին Դաշնակցության ու նրա պատգամավորների հասցեին, որոնց վրա ուզում եմ ուշադրություն հրավիրել։ Այս մասին ապրիլի 22-ին Ազգային ժողովի նիստում Հարկային օրենսգրքում փոփոխություններ եւ լրացումներ կատարելու մասին օրինագծի քննարկման ժամանակ հայտնել է «Հայաստան» ընդդիմադիր խմբակցության պատգամավոր Գեղամ Մանուկյանը։

Նրա խոսքով՝ մեղադրանքներ է հնչեցրել նաեւ իշխող «Քաղաքացիական պայմանագիր» կուսակցության խորհրդարանական խմբակցության ղեկավար Հայկ Կոնջորյանը։ «Ընդ որում՝ մեղադրողը չի եղել իշխող «Քաղաքացիական պայմանագիր» կուսակցության խորհրդարանական խմբակցության ղեկավարը կամ «Լուսավոր Հայաստան» կուսակցության հիմնադիրներից մեկը, այլ Հայկ Կոնջորյանը՝ Հայաստանի Ժողովրդալիբերալ միության երիտասարդական թեւի ղեկավարն ու այն ժամանակվա իշխանությունների եռանդուն պաշտպանը 2010-2011թթ.»,- ասել է Մանուկյանը։

Այդ կուսակցությունը, ինչպես նշել է ընդդիմադիրը, բոլորին հայտնի էր որպես կառույց, որն օգտվում էր Բարսեղ Բեգլարյանի՝ այն ժամանակվա իշխանության խոշոր գործարարներից մեկի հովանավորությունից։