նախընտրելի դարձնելԱյն անձինք, որոնք համաձայնել չեն տանել իրենց երեխաների մասունքները հուղարկավորելու, այս թիվը նվազել է, և նվազել է այն բանի արդյունքում, որ քննիչներն աշխատանք են կատարել, գենետիկական տարբեր փորձաքննություններ են նշանակել և կատարել: Այս մասին այսօր՝ ապրիլի 22-ին, ԱԺ-ում լրագրողների հյետ զրույցում նշեց ՀՀ քննչական կոմիտեի նախագահ Արթուր Պողոսյանը՝ անդրադառնալով ԱԺ-ում հանդիպումից հետո անհետ կորածների ծնողների դժգոհություններին:
Ըստ ՔԿ նախագահի՝ այլ հարց է, թե ինքանով է այս քննությունը գոհացնում դատավարության այս կամ այն մասնակցին. «Մենք կարող ենք մեզնից կախված ամեն ինչ անել, բայց, այնուամենայնիվ, դարձյալ լինեն մարդիկ, որոնք օբյեկտիվորեն դժգոհ են քննությունից, որովհետև դատավարության այն մասնակիցները, որոնք դժգոհ են, միգուցե սպասելիքներն այլ են:
Ես նշեմ, որ վերջին 4 ամսվա ընթացքում դարձյալ 100-ավոր քննչական գործողություններ են կատարվել, և այդ գործողոթյունների ընթացքում եղել են անձինք, որոնք համաձայնել են և հուղարկավորել են իրենց երեխաներին, բայց այս ուղղությամբ ունենք բազմաթիվ փորձաքննություններ, որոնց եզրակացությունները չենք ստացել»,- ասաց նա:
Պողոսյանը նաև տեղեկացրեց, որ մինչև իր նշանակումը և իր նշանակումից ի վեր քրեական վարույթներով հսկայածավալ աշխատանք է կատարվել, և որ քրեական վարույթը բաղկացած է 100-ավոր հատորներից:
Արթուր Պողոսյանը նաև նշեց, որ պաշտոնավարումից հետո գրեթե ամենօյա ռեժիմով ընդունում է անհետ կորածների ծնողների, և ամենօրյա կապի մեջ է նրանց հետ:
