նախընտրելի դարձնել
Մոսկվայում Россельхознадзор-ի ղեկավար Սերգեյ Դանկվերտը բանակցություններ է վարել Հայաստանի սննդամթերքի անվտանգության տեսչության պետ Արմեն Դանիելյանի հետ։
Կողմերը քննարկել են համագործակցության ամրապնդման հեռանկարները, ինչպես նաև երկրների միջև առևտրային հարաբերությունների զարգացման հետագա քայլերը։
Առանձին քննարկման թեմա է եղել տեղեկատվական համակարգերի ինտեգրման առումով համագործակցության հարցը։ Գերատեսչությունների ղեկավարները հաստատել են այդ ուղղությամբ աշխատանքները շարունակելու իրենց շահագրգռվածությունը։
Դանկվերտը նշել է ժամանակակից պայմաններում պետությունների միջև միասնական տեղեկատվական տարածության խթանման ուղղությամբ համատեղ գործունեության կարևորությունն ու անհրաժեշտությունը։
Երկկողմանի ինտեգրումը կնպաստի ապրանքների առաքումների ծավալների ավելացմանը, ապրանքների թափանցիկության, վերահսկելիության և անվտանգության ապահովմանը, ինչպես նաև բեռների վերամշակման ժամանակ արտաքին տնտեսական գործունեության մասնակիցների նյութական ծախսերի կրճատմանը:
Բացի դրանից, դա զգալիորեն կհեշտացնի աշխատանքը, Ռուսաստանի և Հայաստանի իրավասու մարմինների ներկայացուցիչներին հնարավորություն կտա առցանց հետևել սահմանի հատման, վկայագրերի չեղարկման փաստերին և օպերատիվ արձագանքել խախտումներին։
