Նախընտրելի
Գյումրիի գրավչությունը մեծանում է, բայց դեռ շատ աշխատանք կա անելու. ընդ որում՝ լավ լուրն այն է, որ վերջերս, երբ մենք այցելեցինք Գյումրու օդանավակայան, տեսանք, որ ենթակառուցվածքը բավականին լավ վիճակում է: Այդ մասին, այսօր՝ ապրիլի 23-ին, կառավարության՝նիստում հայտարարեց ՀՀ վարչապետ Նիկոլ Փաշինյանը:
«Մեր պլանների մեջ է մտնում, որ այս տարի Հյուսիս-հարավի մի ճյուղը, մի շերտը՝ մինչև Գյումրի, պլանավորում ենք, որ պատրաստ կլինի: Հույս ունենք, որ կիրականացվի: Այդ առումով էլ Գյումրիից Երևան ճանապարհն էականորեն արդեն իսկ կարճացել է ժամանակի առումով, և սա նույնպես կնպաստի այս պրոցեսներին»,- ասաց Փաշինյանը՝ անդրադառնալով զբոսաշրջության զարգացմանն առնչվող թեմաներին:
Շիրակի մարզպետ Դավիթ Առուշանյանը հավելեց՝ Թալինից մինչև Ազատան ընկած հատվածը, որը Երևան-Գյումրի ճանապարհի կեսն է, արդեն իսկ երկկողմանի շահագործման է հանձնվել:
