նախընտրելի դարձնել
ՀՀ ԱԺ նախագահի տեղակալ, ԱԺ նախագահի պարտականությունները ժամանակավոր կատարող Հակոբ Արշակյանը ստորագրել է արձանագրություն Սահմանադրական դատարանի դատավոր Վահե Գրիգորյանի լիազորությունները դադարեցված համարելու մասին:
«Հիմք ընդունելով Սահմանադրական դատարանի դատավոր Վահե Գրիգորյանի հրաժարականի մասին դիմումը եւ առաջնորդվելով «Ազգային ժողովի կանոնակարգ» սահմանադրական օրենքի 147-րդ հոդվածի 2-րդ մասով՝ 2025 թվականի ապրիլի 25-ից դադարած համարել Սահմանադրական դատարանի դատավոր Վահե Գրիգորյանի լիազորությունները»,- նշված է Արշակյանի ստորագրած արձանագրության մեջ:
Ավելի վաղ հայտնել էինք, որ Սահմանադրական դատարանի դատավոր Վահե Գրիգորյանը հրաժարականի դիմում է ներկայացրել:
Հիշեցնենք՝ Վահե Գրիգորյանը 2025 թվականի հունվարին ընտրվել է ՄԻԵԴ դատավոր և պաշտոնավարելու է 9 տարի:
