նախընտրելի դարձնել
Իսրայելը Գազայի հատվածում պատերազմի ժամանակ պաղեստինյան ՀԱՄԱՍ խմբավորման առաջնորդներին հարվածելու համար օգտագործել է արհեստական բանականության գործիքներ, գրել է The New York Times-ը։
Պարբերականի տեղեկացմամբ՝ առաջին նման հարվածը հասցվել է 2023թ. հոկտեմբերի վերջին ՀԱՄԱՍ-ի կենտրոնական Ջաբալիա գումարտակի հրամանատար Իբրահիմ Բիարիի դեմ, որին, ըստ թերթի, իսրայելցի զինվորականները կարողացել են գտնել արհեստական բանականությամբ աշխատող աւոդիոգործիքի միջոցով՝ հետեւելով, թե որտեղից է նա հեռախոսազանգեր անում։
Իսրայելի պաշտպանության բանակը հայտնել է, որ հարվածը, որը սպանել է Բիարիին եւ տասնյակ խաղաղ բնակիչների, թիրախավորել է ՀԱՄԱՍ-ի թունելային համալիրը խիտ բնակեցված ճամբարի տակ: Զինվորականները հետաքննում են միջադեպը։
Բացի խաղաղ բնակիչների շրջանում զոհերի հետ կապված անհանգստությունից՝ իսրայելցի եւ ամերիկացի պաշտոնյաները պարբերականին հայտնել են, որ եղել են դեպքեր, երբ արհեստական բանականության տեխնոլոգիան հանգեցրել է սխալ նույնականացման:
New York Times-ի հոդվածում նշվել է, որ Իսրայելը արհեստական բանականության միջոցով հայտնաբերել է մասամբ քողարկված կամ վիրավորված անձանց դեմքի ճանաչման միջոցով, ստեղծելով հնարավոր թիրախների ցուցակները եւ արաբական չաթ-բոտ՝ տեքստային հաղորդագրություններն ու սոցիալական մեդիան սքանավորելու եւ վերլուծելու համար:
Այս տեխնոլոգիաներից շատերը ստեղծվել են 8 200 ռազմական հետախուզության ստորաբաժանման եւ պահեստայինների միջեւ, որոնք աշխատում են առաջատար տեխնոլոգիական ընկերություններում, որոնք հայտնի են որպես «The Studio»:
Իսրայելը նաեւ օգտագործել է նույն աուդիոգործիքը, որն օգնել է գտնել Բիարիին՝ Գազայի տակ գտնվող թունելներում պատանդներին որոնելու համար:
