Ավելի քան 500 մարդ վիրավորվել է Իրանի հարավում գտնվող Բանդար Աբասի մոտ գտնվող Շահիդ Ռաջայի նավահանգստում տեղի ունեցած հզոր պայթյունի հետեւանքով, հայտնել է IRNA գործակալությունը։ Պայթյունը տեղի է ունեցել շաբաթ օրը՝ ավերածություններ պատճառելով շրջակա տարածքներում, եւ ազդել արեւմտյան Բանդար Աբասի արդյունաբերական որոշ ճյուղերի վրա:

Նախնական տեղեկություններով՝ պայթել է գազով լի լցանավը։ Արտակարգ իրավիճակների ծառայության ներկայացուցիչը հայտնել է, որ մինչ այժմ տուժել է առնվազն 561 մարդ:

Հորմոզգանի Կարմիր մահիկի ընկերության ղեկավարն ասել է, որ արագ արձագանքման խմբերն անմիջապես գործի են անցել: Նա ավելացրել է, որ պայթյունի պատճառները դեռ պարզված չեն, եւ հետաքննությունը շարունակվում է։