նախընտրելի դարձնել
Հայրենական մեծ պատերազմում Հաղթանակի 80-ամյակին ընդառաջ «Գազպրոմ Արմենիա» ընկերությունը ներկայացրել է ինքնատիպ նախագիծ՝ «Հաղթանակի Ռադիոն»։
Այն իրենից ներկայացնում է 1940-ական թվականների ոճով պատրաստված ռադիոընդունիչ, որի մեջ գտնվում է պատերազմի հայ մասնակիցների հուշերի, պատմությունների և լուսանկարների ժողովածու։
«Հաղթանակի Ռադիոն» նախագիծը երախտագիտության խորհրդանիշ է Հաղթանակի սերնդի նկատմամբ և հիշեցում այն մասին, թե որքան կարևոր է պահպանել հիշատակը՝ ոչ միայն արխիվներում, այլ նաև անձնական պատմությունների միջոցով, որոնք միավորում են մեզ անցյալի հետ։
Հաղթանակի 80-ամյակին նվիրված միջոցառումների շրջանակում մայիսի 7-ից «Գազպրոմ Արմենիա» ՓԲԸ Ուսումնա-սպորտային համալիրի դպրոցում բացվել է Հայրենական մեծ պատերազմի տարիներին տպագրված քարոզչական պլակատների կրկնօրինակների ցուցահանդես։
Պատերազմի առաջին օրերից Հայկական հեռագրական գործակալությունը՝ Արմտագը, սկսել էր երգիծական հակաֆաշիստական պլակատների թողարկումը, որոնց հեղինակներն էին մի շարք տաղանդավոր և անվանի հայ նկարիչներ ու բանաստեղծներ։
Ցուցահանդեսի գլխավոր նպատակը՝ Հայրենական մեծ պատերազմի, այդ ծանր պատերազմում տարած Հաղթանակի մասին հիշողության պահպանումն է, որպեսզի մոռացության չմատնվի այդ հերոսական ժամանակաշրջանի պատմությունը։
Մայիսի 8-ին Ուսումնա-սպորտային համալիրի սաները ներկայացրեցին «Արեգակը խավարի մեջ» բեմադրությունը։
Բեմից նրանք թատերական լեզվով պատմեցին Երկրորդ աշխարհամարտի իրադարձությունների, սխրագործության, նույնիսկ ամենախավար ժամանակներում չմարող հույսի և լույսի մասին։
«Գազպրոմ Արմենիա» ընկերության և «Ռոսիա» հասարակական կազմակերպության համատեղ նախաձեռնությամբ ներկայացմանը հրավիրված էին «Ռոսիա» ՀԿ-ին կից «Սլավյանսկայա» միջնակարգ դպրոցի և Էջմիածնի Ռ․Պատկանյանի անվան թիվ 9 հիմնական դպրոցի աշակերտները։
Մինչ ներկայացումը դպրոցականներն այցելեցին ցուցանադես, որտեղ ծանոթացան ցուցադրված քարոզչական պլակատների կրկնօրինակներին։
