Օրերս Վրաստանի քաղաքացի, բեռնատարի վարորդ 55–ամյա Մերաբ Դ.–ն դիմել է ոստիկանություն եւ հայտնել, որ Բագրատունյաց պողոտայում գործող հյուրանոցներից մեկում իրենից երկու կին գողացել են 4500 ԱՄՆ դոլար։
Shamshyan.com–ի տեղեկություններով, Շենգավիթի ոստիկանները ձեռնարկելով անհրաժեշտ օպերատիվ-հետախուզական միջոցառումներ, պարզել են կասկածյալ կանանց ինքնությունը։ Նրանք են Երևանի բնակիչ 45-ամյա Նախշուն Ս.-ն և Արարատի մարզի բնակիչ 37-ամյա Սիրուն Ս.-ն։

Նշված անձինք գողություն կատարելու հիմնավոր կասկածի առկայության հիմքով ոստիկանության Շենգավիթի բաժնի ծառայողների կողմից ձերբակալվել և ներկայացվել են Շենգավիթի քննչական բաժին։ Նրանք իրենց առաջադրված մեղադրանքը չեն ընդունում։