նախընտրելի դարձնելՄայիսի 15-ին Հայաստանի Ազգային ժողովի նիստում իշխող «Քաղաքացիական պայմանագիր» կուսակցության պատգամավորները կրկին աչքի ընկան անձնական վիրավորանքներով։
Այսպես, «Ռազմաարդյունաբերական համալիրի մասին» օրենքում փոփոխություններ կատարելու մասին օրինագծի քննարկման ժամանակ ընդդիմադիր պատգամավոր Աննա Մկրտչյանը հերթական քննադատությունն արեց կառավարության և գործող իշխանությունների հասցեին։
«Ոչ մի օրինագիծ, այդ թվում՝ ռազմարդյունաբերական համալիրին վերաբերողը, չի կարողանա փոխել այն փաստը, որ իշխանազավթը (ՀՀ վարչապետ Նիկոլ Փաշինյանը – խմբ.) Ադրբեջանին է հանձնել ավելի քան 6 միլիարդ դոլարի զենք և սարքավորումներ», - ասաց Մկրտչյանը՝ առաջ քաշելով ևս մի քանի քննադատական փաստարկներ։
Սա դուր չեկավ իշխող «Քաղաքացիական պայմանագիր» կուսակցության խորհրդարանի փոխխոսնակ Ռուբեն Ռուբինյանին, ով հակադարձ մեղադրանք ներկայացրեց, բայց շատ ավելի կոշտ։
«Ես առաջարկում եմ ձեզ հետևել «Հայաստան» ընդդիմադիր դաշինքի օրինակին։ Այսինքն՝ պարզապես վեր կացեք և հեռացեք։ Դուք այստեղ սկզբունքորեն ոչ մի օգուտ չեք տալիս։ Այստեղ իշխանազավթը դուք եք, ձեր քաղաքական հայրիկը (նկատի ունի նախկին նախագահ Սերժ Սարգսյանին՝ խմբ.), ձեր կենսաբանական հայրիկը և մնացած բոլորը», - վրդովված ասաց Ռուբինյանը։
