Ֆրանսիան ուրբաթ օրը իրավական հայց կներկայացնի Իրանի դեմ Արդարադատության միջազգային դատարան՝ հյուպատոսական պաշտպանության իրավունքը խախտելու համար, հինգշաբթի օրը հայտարարել է Արտաքին գործերի նախարարության խոսնակ Քրիստոֆ Լեմուանը, հաղորդում է Reuters-ը։

Ֆրանսիայի երկու քաղաքացիներ՝ Սեսիլ Կոլլերը և նրա զուգընկեր Ժակ Պարիզը, Իրանում կալանավորված են արդեն երեք տարի։

Ֆրանսիան մեղադրում է Իրանին Թեհրանի Էվին բանտում նրանց «խոշտանգումների նմանվող պայմաններում» պահելու և համարժեք հյուպատոսական պաշտպանություն չապահովելու մեջ։

Իրանի պաշտոնյաները հերքում են մեղադրանքները։

Լրագրողների հետ զրույցում Քրիստոֆ Լեմուանը նշեց, որ Փարիզը բողոք կներկայացնի միջազգային դատարան, որի կենտրոնակայանը գտնվում է Հաագայում։

Զույգի ձերբակալությունից որոշ ժամանակ անց՝ 2022 թվականի մայիսին, Իրանի պետական ​​հեռուստատեսությունը հեռարձակեց տեսանյութ, որում նրանք, կարծես, խոստովանում էին, որ գործել են ֆրանսիական հետախուզական ծառայությունների անունից, ինչը Փարիզը կտրականապես հերքում է, հաղորդում են լրատվամիջոցները։