նախընտրելի դարձնելԻրանը պատրաստվում է ուրանի հարստացման ստորերկրյա գործարան շահագործման հանձնել: Այդ մասին, ինչպես հաղորդում է BFM-ը, հայտարարել է Իրանի ատոմային էներգիայի հարցերով կազմակերպության ղեկավար Ֆերեյդուն Աբասի Դավանին:
Նրա խոսքով` գործարանում կարտադրվի մինչեւ 3,5%, 4% եւ 20% հարստացված ուրան: FORDU գործարանը կտեղակայվի Թեհրանից 156 կմ հարավ գտնվող Կում քաղաքից ոչ հեռու: Սեպտեմբերին այդ բունքերում սկսվել է սարքավորումների տեղադրումը:
Reuters-ը նշում է, որ գործարանի շահագործումը կարող է ավելի սրել Իրանի եւ Արեւմուտքի միջեւ առանց այն էլ բարդ հարաբերությունները:
