նախընտրելի դարձնել
Հնդկական Economic Times պարբերականը հաղորդում է, որ մի քանի հնդկական համալսարաններ խզել են ակադեմիական կապերը թուրքական հաստատությունների հետ։
Այդ որոշումն ընդունվել է Հնդկաստանի տարածքային հարցերի վերաբերյալ Թուրքիայի դիրքորոշման կապակցությամբ։ Համալսարանները, մասնավորապես՝ JNU-ն, Jamia Millia Islamia-ն, LPU-ն, MANUU-ն և Kanpur University-ը, դադարեցրել են իրենց հուշագրերը: Հնդկաստանի համալսարանների ասոցիացիան խորհուրդ է տվել վերանայել Պակիստանի, Թուրքիայի և Բանգլադեշի հետ համագործակցությունը։
Lovely Professional University-ը միաժամանակ հայտարարել է Թուրքիայի և Ադրբեջանի հաստատությունների հետ ամբողջ ակադեմիական համագործակցության անհապաղ դադարեցման մասին։ Որոշումը ուսանողների և դասախոսների փոխանակման ծրագրերի, համատեղ հետազոտական նախագծերի և կրկնակի աստիճանի նախաձեռնությունների կասեցում է ներառում։
