Վերջին մի քանի օրերին Հնդկաստանի հարավում տեղացած հորդառատ անձրևները զանգվածային հեղեղումներ են առաջացրել և խաթարել  տարածաշրջանի որոշ շրջանների, այդ թվում՝ Բենգալուրուի (Կառնատակա նահանգ) բնականոն կյանքը, հաղորդում է Hindustan Times-ը։

Կառնատակայում անձրևների հետևանքով զոհերի թիվը հասել է հինգի։

Հնդկաստանի օդերևութաբանական դեպարտամենտը (IMD) Կառնատակա, Կերալա և Թամիլնադ նահանգներում անձրևների մասին նախազգուշացում է հայտարարել։

Կառնատակա նահանգի գլխավոր նախարարի տեղակալ Շիվակումարը հայտնել է, որ քաղաքում հեղեղումների վտանգի ենթակա 210 շրջան է որոշվել։