Մայիսի 21-ին Երևանում՝ Հայաստանի Արտաքին գործերի նախարարության շենքի դիմաց, տեղի է ունենում Հայաստանի եվրոպական կուսակցության նախաձեռնած բողոքի ակցիան։

Ակցիայի մասնակիցները դեմ են Ռուսաստանի ԱԳ նախարար Սերգեյ Լավրովի այցին և ընդունելությանը։

Ցուցարարները ձեռքներին պահում են Հայաստանի և Եվրամիության դրոշները, ինչպես նաև Ռուսաստանի նախագահ Վլադիմիր Պուտինի և ԱԳ նախարար Սերգեյ Լավրովի պատկերներով պաստառներ, որոնց վրա գրված է «Մարդասպաններ»։

Հայաստանի արտաքին քաղաքական գերատեսչության մոտ կենտրոնացված են ոստիկանական լրացուցիչ ուժեր։