նախընտրելի դարձնել«Վե՞ճ», «մեղսակցության» պահ, թե՞ անսպասելի ժեստ։ Ֆրանսիայի նախագահի եւ առաջին տիկնոջ՝ Էմանուել եւ Բրիժիթ Մակրոնների պատկերները, որոնք ժամանել են Վիետնամ Հարավարեւելյան Ասիայում շրջագայության համար, լայն արձագանք են առաջացրել սոցցանցերում, գրել է Le Figaro-ն։
Կիրակի երեկոյան Հանոյի օդանավակայանում ամերիկյան Associated Press գործակալության նկարահանած կադրերում երեւում է, թե ինչպես է բացվում նախագահական ինքնաթիռի դուռը եւ հայտնվում է Էմանուել Մակրոնի ուրվագիծը, որը դեռ ինքնաթիռի ներսում է։
Այդ պահին հայտնվում են նրա կնոջ երկու ձեռքերը, թեեւ նա ինքը լրիվ չի երեւում, եւ նա արագ բարձրացնում է երկու ձեռքերը դեպի նախագահի դեմքը, ինչը կարող է թեթեւ հարված թվալ։ Պետության ղեկավարը զարմացած է թվում, բայց արագ շրջվում է։ Նախագահական զույգը սկսում է բարձրանալ աստիճանով։ Էմանուել Մակրոնը, ինչպես սովորաբար, կնոջն է մեկնում ձեռքը, բայց նա այն չի սեղմում եւ բռնում է աստիճանի բազրիքը, նկատել է ֆրանսիական լրատվամիջոցը։
Պատկերն արագորեն տարածվել է մեկ գիշերվա ընթացքում, հատկապես մի քանի օգտահաշիվներում, որոնք սովորաբար թշնամական են Էմանուել Մակրոնի նկատմամբ: Ելիսեյան պալատն ի սկզբանե հերքել է նկարների իսկությունը, քանի դեռ դա հաստատված չէ: Ֆրանսիայի նախագահի մտերիմ ընկերն այնուհետ խոսել է զույգերի աննշան «վեճի» մասին։
«Դա այն պահն էր, երբ նախագահը եւ նրա կինը վերջին անգամ թուլացել են ուղեւորության մեկնարկից առաջ՝ ծիծաղելով»,- վերջապես երկուշաբթի օրը ուղեւորությունից հետո լրագրողներին մեկնաբանել են Էմանուել Մակրոնի շրջապատից։- Սա մեղսակցության պահ է։ «Դա բավական չէր, որպեսզի դավադրության տեսության կողմնակիցները խորհդածությունների համար սնունդ ստանային»,- ավելացրել է նույն աղբյուրը՝ բացասական մեկնաբանությունները վերագրելով «առաջին հերթին ռուսամետ շրջանակներին»։
Ֆրանսիայի նախագահը սկսել է մեկշաբաթյա շրջագայությունը Հաեւավարեւելյան Ասիայում Հանոյից։ Նա կայցելի նաեւ Ինդոնեզիա եւ Սինգապուր։
