Սաուդյան Արաբիայում, Մեդինայում՝ երկրի արեւմուտքում, ձերբակալել են իրանցի ուխտագնաց Գոլամրեզ Կասեմի Անին։

Այս կապակցությամբ Իրանի հաջի եւ ուխտագնացության կազմակերպության ղեկավարն ընդգծել է հատկապես այս օրերին մուսուլմանների միասնության կարեւորությունը:

«Մենք բոլորս պետք է զգույշ լինենք եւ խուսափենք ցանկացած գործողությունից, որը կարող է պառակտում առաջացնել, եւ ուխտավորներին մեր մշտական ​​խորհուրդն է պահպանել Սաուդյան Արաբիայի Թագավորության կանոնները»,- հայտնել է նա:

Մինչդեռ երեքշաբթի լրագրողների հետ զրույցում Իրանի դատական ​​ներկայացուցիչ Ասղար Ջահանգիրին Սաուդյան Արաբիայի ոստիկանության գործողություններն անվանել է «չհիմնավորված եւ անօրինական»։

Նա հորդորել է պատկան մարմիններին, այդ թվում՝ արտաքին գործերի նախարարությանը, զբաղվել այդ հարցով։