նախընտրելի դարձնել
Ոստիկանությունը բացահայտել է կոկաինի ապօրինի շրջանառությամբ զբաղվող մի խումբ, որը կոկաինի մածուկ էր տեղափոխում Կոլումբիայից Բելգիա, հաղորդում է Reuters-ը՝ հղում անելով Եվրոպոլին։
Եվրոպոլի տվյալներով՝ գործողության արդյունքում ձերբակալվել է 14 մարդ, որոնցից 11-ը՝ Բելգիայում, երկուսը՝ Գերմանիայում և մեկը՝ Իտալիայում։
«Խումբը գլխավորում էր իտալական մի ընտանիք, որը կապեր ուներ Կոլումբիայի մատակարարների և Բելգիայի դեղագործների հետ։ Նրանք ներմուծում էին կոկաինի մածուկի մեծ քանակություն, որը Կոլումբիայից մատակարարվում էր եվրոպական նավահանգիստներ», - հաղորդել է Եվրոպոլը։
Գործակալությունը նշել է, որ արտադրանքը պահվում էր Բելգիայի պահեստներում, որոնք օգտագործվում էին որպես լաբորատորիաներ։
Ձերբակալությունները տեղի են ունենում այն ժամանակ, երբ Բելգիան փորձում է կանխել բռնի հանցագործությունները, որոնք հաճախ կապված են մրցակից թմրավաճառական խմբավորումների միջև կռիվների հետ, որոնցից շատերը Անտվերպենն ու Բրյուսելը վերածել են թմրանյութերի ապօրինի շրջանառության խոշոր կենտրոնների:
