նախընտրելի դարձնել
Ազգային ժողովի մայիսի 29-ի նիստում պատգամավորները երկրորդ եւ վերջնական ընթերցմամբ հավանություն են տվել գործող օրենքների մի շարք օրենսդրական փոփոխությունների։
Դրանց թվում են.
«Պետական վերահսկողական ծառայության մասին» եւ կից օրենքներում փոփոխություններ կատարելու մասին օրինագծերի փաթեթը,
Աշխատանքային օրենսգրքում փոփոխություններ եւ լրացումներ կատարելու եւ կից օրենքներում փոփոխություններ կատարելու մասին օրինագծերի փաթեթը,
«Կատարողական վարույթի մասին» եւ կից օրենքներում փոփոխություններ կատարելու մասին օրինագծերի փաթեթը,
«Ֆիզիկական կուլտուրայի եւ սպորտի մասին» եւ կից օրենքներում փոփոխություններ կատարելու մասին օրինագծերի փաթեթը,
Հարկային օրենսգրքում փոփոխություններ կատարելու մասին օրինագիծը,
«Պետական տուրքի մասին» օրենքում փոփոխություններ եւ լրացումներ կատարելու մասին» օրինագիծը,
«Ծպտյալ ակտիվների մասին» օրինագծերի փաթեթը եւ կից օրենքներում փոփոխությունները։
Բացի այդ, խորհրդարանականներն առաջին ընթերցմամբ հավանություն են տվել մի շարք այլ օրինագծերի։ Դրանց թվում են.
Քրեական օրենսգրքում փոփոխություններ կատարելու մասին օրինագիծը,
«Գնումների մասին» օրենքում փոփոխություններ եւ լրացումներ կատարելու մասին օրինագիծը։
Խորհրդարանականները վավերացրել են նաեւ մի շարք համաձայնագրեր։ Դրանց թվում են.
Համաձայնագիրը Հայաստանի Հանրապետության եւ Եվրոպական ներդրումային բանկի միջեւ «Երեւանի էներգաարդյունավետության երկրորդ ծրագիր» ներդրումային դրամաշնորհի մասին,
դեկտեմբերի 10-ի «Անձանց միջպետական հետախուզման մասին» Անկախ Պետությունների Համագործակցության անդամ պետությունների պայմանագրում փոփոխություններ կատարելու մասին արձանագրությունը։
