ՌԴ պաշտպանության նախարարությունը հայտնել է Մուրմանսկի, Իրկուտսկի, Իվանովոյի, Ռյազանի և Ամուրի մարզերի ռազմական օդանավակայանների վրա Ուկրաինայի ԶՈՒ կողմից FPV-դրոնների կիրառմամբ հարձակումների մասին։

«Իվանովոյի, Ռյազանի և Ամուրի մարզերի ռազմական օդանավակայաններում բոլոր ահաբեկչական հարձակումները հետ են մղվել։

Մուրմանսկի և Իրկուտսկի մարզերում օդանավակայաններին անմիջականորեն հարակից տարածքից FPV-դրոնների արձակման հետևանքով տեղի է ունեցել մի քանի միավոր ավիացիոն տեխնիկայի հրդեհ։

Հրդեհները մարվել են։ Զինծառայողների և քաղաքացիական անձնակազմի շրջանում զոհեր չկան։

Ահաբեկչությունների որոշ մասնակիցներ ձերբակալվել են»,- ասված է ՌԴ ՊՆ հաղորդագրության մեջ։