ՆախընտրելիԷներգետիկ հարցերով փորձագետ Վահե Դավթյանը չի բացառում, որ Իրանը կփակի Հորմուզի նեղուցը։ NEWS.am–ի հետ զրույցում փորձագետը նշեց, որ ստեղծված իրավիճակն աննախադեպ է։
«Չի բացառվում՝ Իրանը կարող է գնալ իր ռազմավարական «գործիքի» օգտագործմանը։ Սա կհանգեցնի գեոտնտեսական փոխակերպումների առնվազն միջնաժամկետ կտրվածքում։ Հորմուզի նեղուցով արտահանվում է սպառվող նավթի շուրջ 20-25 տոկոսը, ինչը բավականին լուրջ թիվ է։ Հորմուզի պարալիացումն ուղիղ հարված կարող է հասցնել նաեւ Եվրոպայի էներգետիկ քաղաքականությանը, թիրախում կարող է հայտնվել նաեւ Միացյալ Նահանգները։ Միացյալ Նահանգների համար այս կոմունիկացիան կենսական նշանակություն ունի նավթի ներկրման տեսանկյունից։ Համաշխարհային տնտեսության համար առանցքային նշանայություն ունեցող այս հաղորդակցության պարալիզացման դեպքում նավթի գները կարող են հասնել 300-350 ԱՄՆ դոլարի, այսինքն ուղիղ հարված կարող է հասցնել ԱՄՆ–ի տնտեսությանը»,– ասաց Վահե Դավթյանը։
Փորձագետի կարծիքով, Թրամփը որպես բիզնեսմեն, կարող է շատ լավ հաշվարկել եւ զսպող մեխանիզմներ կիրառել այս կոնֆլիկտի ուղղությամբ։
Նշենք, որ Իրանն այսօր հայտարարել է, որ դիտարկում է Հորմուզի նեղուցը փակելու հնարավորությունը։
