Ռուսաստանի քննչական կոմիտեի քննչական մարմինների Մոսկվայի գլխավոր քննչական վարչության աշխատակիցները ձերբակալել են Սուրեն Մկրտչյանին, ով «Կասաբելլա» ընկերության գլխավոր տնօրենն է: Հենց նրան է պատկանում Մոսկվայի իտալական Il Pittore ռեստորանը, որում պայթյուն էր որոտացել հունվարի 9-ին:

Ավելի վաղ NEWS.am-ը հայտնել էր, որ այդ պայթյունի հետեւանքով մահացել էր երկու կին եւ մեկ տղամարդ: 31 մարդ տեղափոխվել էր հիվանդանոց, եւս 8-ը` բժշկական օգնություն ստանալով դուրս էին գրվել հիվանդանոցից:
Տուժածների մեջ 5 հայեր են եղել: