նախընտրելի դարձնելԻտալական «Կոստա Կոնկորդիա» զբոսանավի աղետի արդյունքում տուժածների թիվը հասել է 40-ի, նրանցից ոմանք գտնվում են ծանր վիճակում:
Ավելի վաղ հաղորդվում էր 14 տուժածի, ինչպես նաեւ 8 զոհի մասին, սակայն տեղական իշխանությունները հաստատել են միայն երեքի մահը:
Հիշեցնենք, որ «Կոստա Կոնկորդիան», որի վրա գտնվել է 4,2 հազ. մարդ, նավաբեկության էր ենթարկվել հունվարի 14-ին, Տոսկանայի ափերի մոտ գտնվող Ջիլո կղզու մոտ:
Բացի այդ, փրկարարները որոնում են եւս 70 ուղեւորի:
Տուժածների մեծ մասը տեղափոխվել են տեղի հիվանադոցներ, բժիշկները հիմնականում ախտորոշել են վերջույթների կոտրվածքներ, բազմաթիվ վնասվածքներ եւ ցրտահարություն, հաղորդում է «ՌԻԱ Նովոստին»:
Միժամանակ` ի հայտ են գալիս կատարվածի նոր մանրամասներ: Փրկված ուղեւորները պատմում են, որ անձնակզմի մոտ շփոթվածություն էր նկատվում: Տարհանման հրահանգ չի եղել, ոչ ոք փրկարար նավակներ չի իջեցերել, արդյունքում` մի քանի ուղեւորներ նախընտրել են փրկվել` ցած նետվելով:
Երբ նավակներն իջեցրել են ջրի մեջ, ոչ ոք չի հետեւել, թե քանի մարդ է այնտեղ տեղավորվում:
«Դուք դիտե՞լ եք «Տիտանիկ» Ֆիլմը: Ամեն ինչ այդպես էլ եղավ»,-պատմել է ամերիկացի զբոսաշրջիկը:» Ամենուր լսվում էր ապակու ձայն, լույս չկար: Ոչ ոք չգիտեր, ինչ է կատարվում»:
