Իտալիայում երկու մարդ է մահացել Եվրոպայում մոլեգնող շոգի ալիքի պատճառով, որը շարունակում է բարձրանալ, հաղորդում է BBC News-ը։ 

Բոլոնիայում 47-ամյա տղամարդ է մահացել շինհրապարակում հիվանդանալուց հետո, ինչը իտալական «Cgil Bologna» և «Fillea-Cgil» արհմիություններին դրդել է կոչ անել միջոցներ ձեռնարկել «աշխատողներին բարձր ջերմաստիճանների ազդեցության հետ կապված ռիսկերից պաշտպանելու համար», քանի որ «կլիմայական արտակարգ իրավիճակը ակնհայտորեն վատթարացրել է ամեն օր դրսում աշխատողների կենսապայմանները»։ 

Թուրինից արևմուտք գտնվող Բարդոնեկիայում՝ զբոսաշրջային հանգստավայրում, 70-ամյա տղամարդ է խեղդվել հանկարծակի ջրհեղեղների ժամանակ։ 

Տեղական լրատվամիջոցների հաղորդմամբ՝ տղամարդը մեքենայից դուրս գալուց հետո ընկել է։