Հայաստանի և Ադրբեջանի միջև ավարտվել են խաղաղության պայմանագրի նախագծի տեքստի քննարկումները։ Այս մասին հայտարարել է Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովը, հայտնում են տեղական ԶԼՄ-ները։

Ըստ նրա, Հարավային Կովկասում հարատև խաղաղություն հաստատելու համար պատմական հնարավորություն է ստեղծվել։

Ընդ որում, նա կրկին բարձրաձայնել է Ադրբեջանի նախապայմանները՝ Հայաստանի Սահմանադրության փոփոխությունը և ԵԱՀԿ ՄԽ-ի լուծարումը։