նախընտրելի դարձնել
Սեպտեմբերի 5-ին ժամը 13:00-ին Երևանում տեղի կունենա «Հայաստան-ԵԱՏՄ» համաժողով, որին կմասնակցեն աշխարհահռչակ քաղաքական և տնտեսական վերլուծաբաններ։ Այս մասին իր ֆեյսբուքյան էջում հայտնել է «Անմահ գունդ» միջազգային շարժման գլխավոր համակարգող, «Իմ երկիր, իմ Հայաստան» հասարակական-քաղաքական շարժման ղեկավար Մհեր Ավետիսյանը։
«Համաժողովի գլխավոր հյուրերը կլինեն հայտնի քաղաքական վերլուծաբաններ Դմիտրի Սայմսը և Ֆյոդոր Լյուկյանովը։
Համաժողովի ընթացքում կքննարկվեն՝
- Հայաստան-ԵԱՏՄ հարաբերությունները,
- ԵԱՏՄ-ի ազդեցությունը Հայաստանի տնտեսական և քաղաքական զարգացման հեռանկարների վրա»,– գրել է նա։
Միջոցառման անցկացման հասցեն է՝ Երևան, Վարդանանց 15/4, բոլոր ցանկացողները կարող են ներկայացնել հայտ և մասնակցել ֆորումին»։
