նախընտրելի դարձնելԱրժույթի միջազգային հիմնադրամը 2012թ-ին կանխատեսում է համաշխարհային տնտեսական աճի նվազում` այն 4,0% -ից հասցնելով 3,3%-ի:
Ինչպես հաղորդում է Reuters-ը, ԱՄՀ-ում վստահ են, որ Եվրոպան 2012 թ-ին կհայտնվի ճգնաժամի երկրորդ փուլում:
ԱՄՀ-ն թարմացված գնահատականները կներկայացնի World Economic Outlook զեկույցի խմբագրված տարբերակում, որը կհրապարակվի հաջորդ շաբաթ: ԱՄՀ-ն եվրագոտու համար հիմա կանխատեսում է ՀՆԱ-ի 0,5%-ով նվազում` սեպտեմբերի 1,1% կանխատեսման դիմաց:
Կանխատեսովում է, որ Իտալիայում եւ Իսպանիայում ճգնաժամը կտեւի 2 տարի: Իտալիայի տնտեսական աճը կնվազի 2,2%-ով, իսկ 2013թ-ին ` եւս 0,6%-ով: Իսպանիայում ՀՆԱ-ն կնվազի 1,7%-ով այս տարի, եւ 0,3%-ով` 2013թ-ին:
