Իրանի հյուսիս-արեւելքում այսօր` հունվարի 19-ին, տեղի  ունեցած երկրաշարժի հետեւանքով  տուժածների թիվը հասել է 100-ի:

Ինչպես հաղորդում է  Lenta.ru-ն,  17 տուժածներ հոսպիտալացվել են, մնացածն ավելի թեթեւ վնասվածքներ են ստացել եւ հրաժարվել են հիվանդանոց տեղափոխվելուց:

Ինչպես տեղեկացրել էր NEWS.am-ը, Իրանի հյուսիս-արեւելքում տեղի է ունեցել 5,6  մագնիտուդով երկրաշարժ: Էպիկենտրոնը գտնվել է Նիշապուր քաղաքից 11կմ հյուսիս-արեւելք, հիպոկենտրոնը` 10,5 կմ խորության վրա:

Ցնցումները տեւել են յոթ վայրկյան: Իրանում սա եղել է ամենաուժեղ երկրաշարժը վերջին տասը տարվա ընթացքում: