նախընտրելի դարձնելԱռաջիկա օրերին կանցկացվեն կոնկրետ միջոցառումներ, որոնց ժամանակ ժողովուրդը կտա իր պատասխանը։ Այս մասին օգոստոսի 20-ին լրագրողների հետ զրույցում հայտարարել է «Հայաստան» դաշինքի պատգամավոր, ՀՅԴ Գերագույն մարմնի ներկայացուցիչ Իշխան Սաղաթելյանը։
Նրա խոսքով՝ ամեն ինչ կփոխվի, եթե Հայաստանում իրավիճակը փոխվի։ Սաղաթելյանը նշել է, որ ժողովուրդը համաձայն չէ տարածքային նոր զիջումներին, ղարաբաղյան հակամարտության էջը փակված չէ, իսկ հայերի՝ Լեռնային Ղարաբաղ վերադառնալու հարցը չի կարող դուրս գալ օրակարգից։
Նա ակնհայտ է անվանել, որ իշխանություններն իրենց նոր զիջումները փորձում են ներկայացնել որպես ձեռքբերում։ «Երբ մենք ամեն ինչ կետ առ կետ ենք ներկայացնում, իշխող «Քաղաքացիական պայմանագիր» խմբակցության անդամները սկսում են արդարանալ։ Եվ նրանց ջղաձիգ արձագանքն այս դեպքում բնական է, քանի որ հերքվում է նրանց սուտը», - նշել է պատգամավորը։
