Հինգ ոստիկան է զոհվել Սիստան և Բելուջիստան նահանգում (Իրան) ոստիկանական պարեկախմբի վրա զինված հարձակման հետևանքով, հայտնում է Fars-ը։

«Մեկ ժամ առաջ ահաբեկիչները հարձակվել են Խաշ-Իրանշահր ճանապարհին երկու ոստիկանական պարեկախմբի վրա... Այս հարձակման հետևանքով հինգ ոստիկան է զոհվել», - ասվում է հաղորդագրության մեջ։

Նշվում է, որ իրավապահ մարմիններն այժմ զինյալներին բռնելու գործողություն են իրականացնում։