նախընտրելի դարձնելՀունվարի 21-ի առավոտյան ոչ մեծ հզորությամբ պայթուցիկ սարք է գործի դրվել Հունաստանի մշակույթի նախարարության շենքի մոտ: Ըստ տեղական ոստիկանության` ոչ ոք չի տուժել:
Պայթյունը վնասել է նախարարության տնտեսական ծառայության մուտքը: Հաղորդվում է, որ Հունաստանում գոյություն ունեն անարխիստական խմբավորումներ, որոնք պետական հաստատությունների մոտ պայթյուններ են կազմակերպում: Նման դեպքերում տուժածներ գրեթե չեն լինում:
Այս շաբաթ Հունաստանի մշակույթի նախարարությունը միջազգային լրատվամիջոցների ուշադրության կենտրոնում էր հայտնվել այն պատճառով, որ որոշել էր նվազեցնել Հունաստանի գլխավոր տեսարժան վայրերի, այդ թվում` Ակրոպոլիսի պրոֆեսիոնալ տեսա եւ լուսանկարահանման վճարները: Սակագների նվազումը շատ ԶԼՄ-ներ բացատրել էին նրանով, որ Հունաստանը պատրաստվում է «Ակրոպոլիսը վարձով տալ` ճգնաժամի համար գումար վաստակելու համար», գրում է «Վզգլյադը»:
