նախընտրելի դարձնելAnonymous խմբավորման հաքերները գրոհել են Ֆրանսիայի նախագահի կայքը` դրանով վրեժխնդիր լինելով աշխարհում ամենախոշոր ֆայլային փոխանակում իրականացնող կայքի` Megaupload-ի փակմանը Սարկոզիի աջակցության համար:
Գրոհի ժամանակ Ելիսեյան պալատի կայք այցելելիս բրաուզերի տողի վրա հայտնվել է Սարկոզիի հասցեին վիրավորական արտահայտություն, ցանցահենության դեմ SOPA օրինագծի վերաբերյալ քննադատական արտահայտություն եւ Anonymous-ի ֆիրմային ձեռագիրը` We Are Legion («Մենք լեգեոն ենք»):
Ավելի վաղ Anonymous-ը գրոհի էր ենթարկել ԱՄՆ արդարադատության նախարարության եւ Universal Music Group-ի կայքերը:
Հիշեցնենք, որ հունվարի 20-ին ԱՄՆ դատախազությունը հասել էր Megaupload ծառայության փակմանը: Ռեսուրսի սեփականատերերը ձերբակալվել են եւ մեղադրվում են հեղինակային իրավունքի խախտման մեջ: Նրանց կողմից մտավոր սեփականությանը հասցված վնասը իրավապահները գնահատում են առնվազն 500 մլն դոլար:
