Պատահար` Վրաստանում. զոհվել է չորս մարդ, այդ թվում` մեկ երեխա

Վրաստանի Քվեմո Քարթլիի շրջանում հունվարի 22-ի գիշերը խոշոր ավտովթար է տեղի ունեցել, որի արդյունքում 4  մարդ է զոհվել:

Ինչպես NEWS.am-ին հաղորդեցին Վրաստանի արտակարգ իրավիճակների նախարարության մամուլի ծառայությունից,  բախվել է երկու ավտոմեքենա,  որոնցից մեկը բռնկվել է ու պայթել: Արդյունքում զոհվել են  մեքենաներից մեկում գտնվող կինը, երեխան եւ երկու տղամարդիկ:

Մյուս մեքենայի ուղեւորները թեթեւ վնասվածքներ են ստացել:

Իրականացվում է  հետաքննություն,  հանգամանքները պարզվում են: