նախընտրելի դարձնելՄիջազգային իրավապաշտպան Human Rights Watch կազմակերպությունը սուր քննադատության է ենթարկել Ռուսաստանում ընտրական իրավիճակը եւ վարչապետ Վլադիմիր Պուտինի` նախագահի պաշտոնում առաջադրվելու որոշումը:
Ըստ իրավապաշտպանների` Պուտինի որոշումը խաչ է քաշում «անհրաժեշտ քաղաքական բարեփոխումների վրա»:
«Շատ վերլուծաբանների կարծիքով` նախագահ առաջադրվելու մասին դեռ սեպտեմբերին արված հայտարարությունը կանխորոշում է նրա ընտրությունը եւ ստվեր է նետում այդքան անհրաժեշտ քաղաքական բարեփոխումների հեռանկարների վրա»,-ասված է կազմակերպության տարեկան զեկույցի մեջ:
Human Rights Watch-ը նաեւ ուշադրություն է հրավիրել այն փաստին, որ դեկտեմբերի 4-ի խորհրդարանական ընտրություններից առաջ «կառավարությունը մերժել էր գրանցել նոր քաղաքական ուժերին»:
