Նոր Սահմանադրությունը պետք է իրավական կապ ստեղծի ժողովրդի և իրավական կարգի միջև։ Այս մասին հայտարարել է վարչապետ Նիկոլ Փաշինյանը սեպտեմբերի 23-ին՝ Հայկական ժողովրդավարության ֆորումում կազմակերպված քննարկման ժամանակ։

Նրա խոսքով՝ Հայաստանում գործող սահմանադրությունները երբեք չեն վայելել բնակչության մեծամասնության աջակցությունը։ Դրանք, ըստ էության, ոչ ժողովրդական էին։ «Գործող Սահմանադրությունը և իրավական կարգը Հայաստանում նույնքան ատելի են ժողովրդի համար, որքան Խորհրդային Միության, Ռուսական կայսրության և Օսմանյան կայսրության կողմից ընդունվածները։ Սա պարտադրված օրակարգ է», - նշել է Փաշինյանը։